Ինչպես ընտրել լարման ստաբիլիզատոր

Լարման ստաբիլիզատորը պաշտպանում է տեխնիկան ցանցի լարման իջնելուց և բարձրանալուց։ Երեկոյան, երբ շատերը միաժամանակ միացնում են տեխնիկան, լարումը կարող է իջնել 190–200 վոլտի, իսկ սառնարանը, կաթսան, պոմպը և հեռուստացույցը նման լարման դեպքում ավելի արագ են մաշվում կամ անջատվում։

Գլխավոր պարամետրը հզորությունն է (կՎԱ)։ Գումարեք այն սարքերի հզորությունը, որոնք աշխատելու են միաժամանակ, և ավելացրեք մոտ 30% պաշար։ Շարժիչով սարքերը՝ սառնարան, պոմպ, կոնդիցիոներ, միացման պահին մի քանի անգամ ավելի շատ հոսանք են վերցնում, ուստի դրանց համար պաշարը պետք է ավելի մեծ լինի։ Մեկ սարքի համար բավական է 0,5–2 կՎԱ, ամբողջ բնակարանի կամ տան համար սովորաբար 5–10 կՎԱ և ավելի։

Նայեք մուտքային լարման միջակայքին. որքան լայն է այն, այնքան ավելի ցածր լարման դեպքում ստաբիլիզատորը կշարունակի աշխատել։ Ամբողջ տան ստաբիլիզատորը տեղադրվում է հաշվիչից հետո, իսկ եռաֆազ ցանցի համար ընտրում են եռաֆազ մոդել կամ երեք միաֆազ։

Electrica Group-ի կատալոգում կան ANDELI SVC ստաբիլիզատորներ 0,5-ից 30 կՎԱ հզորությամբ և 150–250 Վ մուտքային միջակայքով։ Եթե չգիտեք, թե ինչ հզորություն է պետք, մեր մասնագետները կօգնեն հաշվել՝ For Long Life սկզբունքով։